शाळा सुरु झाली कि आषाढ संपत आलेला असतो मग पावसाळा आणि श्रावणाची चाहूल लागते. एका पाठोपाठ येणारे सण आषाढी एकादशी, नागपंचमी, नारळी पौर्णिमा, श्रावणी शुक्रवार,नवरात्र सगळेच शाळेत मोठ्या उत्साहात साजरे केले. "Science Behind Rituals " या तत्वावर मुलांना हे सण साजरे करण्यामागचं विज्ञान समजावून सांगितलं. त्यादिवशी काय ल्यावे ते काय खावे इथंपर्यंत प्रत्येक गोष्टीला असलेला वैज्ञानिक आधार सांगून सण साजरे केले गेले. विज्ञान आणि तंत्रज्ञानाच्या जवळ जाण्यासाठी संस्कृतीपासून लांब जावं लागत नाही हे अधोरेखित करत ..

बुद्धीचे आराध्य दैवत म्हणजे श्री गजानन, शिक्षणाचा श्रीगणेशा करताना याला आपण नेहमी वंदन करतो. या गणेशोत्सवाला संवादाची वेगवेगळी माध्यमे, स्पर्श, गंध, डोळे यातून साधलेला संवाद यासाठी मुलींचे घेतलेले विविध उपक्रम कार्यक्रमाचे आकर्षक बिंदू होते. याचबरोबर विविध ओरिगामी मॉडेल द्वारे सजावट करून, जलचर, कीटक, पक्षी, प्राणी एकमेकांशी कसा संवाद साधतात यावर मुलींना माहिती देण्यात आली...

ज्याला भाषा नीट येते त्याला सगळ्या विषयांचं आकलन उत्तम होतं आणि ज्याला मातृभाषा उत्तम येते त्याला इतर भाषा शिकणं सोपं होतं, यावर आमचा विश्वास आहे.मराठी राजभाषा दिवस, मराठी गौरव दिवस, संस्कृत सप्ताह, इंग्रजी खेळ व साहित्य प्रदर्शनी असे विविध उपक्रम या वर्षभरात पार पडले. प्रत्येक भाषेतील सौंदर्य स्थळं मुलांना कळावीत या हेतूने विविध भाषेतील गोष्टी सांगणे, पुस्तके वाचून दाखवणे, गाणी घेणे असे विविध उपक्रम घेण्यात आले...

झाडाचं पान तोडायच्या आधी, त्याची माफी मागायला शिकवणारी आपली भारतीय संस्कृती, आपल्याकडे वृक्ष पूजा फार पूर्वीपासून चालत आलेली आहे. वेगवेगळ्या निमित्ताने आपण तुळस, वड, पिंपळ अशा वेगवेगळ्या वृक्षांची पूजा करत असतो. आम्ही शाळेत कल्पवृक्षाची म्हणजेच नारळाच्या झाडाची पूजा केली. नारळाच्या झाडाच्या प्रत्येक भागाचा आपल्याला काय उपयोग होतो हे सांगितले, मुलींनी नारळाच्या झाडाच्या वेगवेगळ्या उपयोगी आणि शोभेच्या वस्तू तयार केल्या. नारळाच्या बर्फीचा आस्वाद घेतला. मुलींना भेटायला वासुदेव पण शाळेत आला होतं बरं का!..

म्हणे भोपळा मी शून्याला सदा हवा मज नंबर पहिला आईलाही म्हणते नेहमी खाऊ ताईला जास्त नि मला का कमी आकडेमोड समजत नसली तरी गणित समजते अंकांची गोडी लागली कि शिक्षणाचे भविष्य चमकते अंक आणि गणित याला आपण..